Ózbekstan Respublikası Prezidenti Shavkat Mirziyoev 7-iyul kúni AQShtıń “BlackRock” kompaniyası direktorlar keńesiniń aǵzası hám úlken basqarıwshı direktorı Adebayo Ogunlesidi qabılladı.

Ushırasıwda strategiyalıq sheriklikti, bárinen burın, janılǵı-energetika tarawında jáne de bekkemlewdiń áhmiyetli máseleleri kórip shıǵıldı. Kompaniyanıń Ózbekstandaǵı joybarları jedel ámelge asırılıp atırǵanı qanaatlanıwshılıq penen atap ótildi.

Mámleketimiz basshısı “BlackRock” kompaniyası menen birge islesiwdiń tiykarǵı baǵdarların belgilep berdi. Menshiklestiriw tarawında sheriklikti keńeytiw, elimizdiń investiciyalıq tartımlılıǵın arttırıw, qarjı bazarın rawajlandırıw, neft-ximiya tarmaǵındaǵı joybarlardı alǵa qoyıw hám jasalma intellekt texnologiyalarına birgelikte investiciya kirgiziw solardıń qatarına kiredi.

“BlackRock” aktivler hám qorlardı basqarıw jáne finanslıq xızmetler kórsetiwge qánigelesken iri investiciya kompaniyası bolıp esaplanadı. 2026-jılı kompaniya basqarıwındaǵı aktivlerdiń kólemi 14 trillion dollarǵa jetti.

ÓzA