Ózbekstan Respublikası Prezidenti Shavkat Mirziyoev 6-iyul kúni telefon arqalı sóylesiwde Qazaqstan Respublikasınıń birinshi Prezidenti Nursultan Nazarbaevtı tuwılǵan kúni menen qızǵın qutlıqlap, oǵan bekkem densawlıq, baxıt-ıǵbal hám uzaq ómir tiledi.

Mámleketimiz basshısı Nursultan Nazarbaevtıń zamanagóy Qazaqstandı qurıw, Oraylıq Aziyada regionallıq birge islesiwdi alǵa qoyıw jáne Ózbekstan – Qazaqstan strategiyalıq sheriklik hám awqamlaslıq qatnasıqların bekkemlewge qosqan úlken úlesin ayrıqsha atap ótti.

Ózbekstan menen Qazaqstan arasındaǵı bekkem doslıq, jaqın qońsıshılıq hám óz-ara járdem baylanıslarına tiykarlanǵan kóp tárepleme birge islesiwdiń búgin joqarı pát penen rawajlanıp atırǵanı qanaatlanıwshılıq penen atap ótildi.