Húrmetli Prezidentimizdiń Qaraqalpaqstanǵa bolǵan ayrıqsha itibarı nátiyjesinde respublikamızdıń ekonomikası ele de bekkemlenip, eksport potencialı artıp barmaqta.

Atap aytqanda, respublikamızdıń qońsılas sırt mámleketler menen hár tárepleme qatnasıqları rawajlanıp, olar menen birge islesiw sheńberi keńeyip barmaqta. Sonıń ishinde, ayrıqsha aytıw kerek qońsılas Qazaqstan Respublikasınıń Mańǵıstaw wálayatı Aqtaw qalasında Qaraqalpaqstanda jetistirilgen hám islep shıǵarılǵan ónimlerdi satıw maqsetinde arnawlı sawda úyi ashılǵan edi.

Jaqında Aqtóbe wálayatınıń Aqtóbe qalasındaǵı “Tabıs Alańı” kótere sawda bazarı aymaǵınan Qaraqalpaqstannıń jáne bir usınday sawda úyi ashıldı.

Házirgi waqıttta bul jerde respublikamızda jetistirilgen awıl xojalıǵı ónimleri, sanaat hám basqa da baǵdarlar boyınsha islep shıǵarılǵan ónimler satılıwı jolǵa qoyılmaqta.

Sawda úyinde arnawlı sawda orınları, muzlatqıshlı qoymaxanalar hám keliwshiler ushın qolaylı infrastruktura jaratılǵan.

Qaraqalpaqstan xabar agentligi