Qaraqalpaqstan Respublikası Ministrler Keńesiniń májilisler zalında puqaralardıń múrájatları menen islesiw hám xalıqtı qıynap kiyatırǵan mashqalalarǵa sheshim tabıw máselelerine arnalǵan májilis ótkerildi.

Onda Qaraqalpaqstan Respublikası Joqarǵı Keńesiniń Baslıǵı Amanbay Orınbaev, Ózbekstan Respublikası Prezidenti Xalıq qabıllawxanasınıń baslıǵı F.Omonov qatnastı.

Májiliste dáslep, shólkemlestiriw máselesi kórip shıǵılıp, Nilufar Allabergenova Ózbekstan Respublikası Prezidentiniń Qaraqalpaqstan Respublikasındaǵı Xalıq qabıllawxanası baslıǵınıń orınbasarı lawazımına tayınlandı.

Sonı aytıp ótiwimiz kerek, N.Allabergenova tayınlawǵa shekem Qaraqalpaqstan Respublikası Prokurorınıń jámiyetshilik penen baylanıslar hám huqıqıy málimleme boyınsha aǵa járdemshisi lawazımında islep kelgen.

Májilis dawamında xalıqtı qıynap kiyatırǵan mashqalalar hám puqaralar múrájatları menen islesiw baǵdarında ámelge asırılıp atırǵan jumıslar kórip shıǵıldı.

Qaraqalpaqstan xabar agentligi