AQSh, Meksika hám Kanada maydanlarında ótkerilip atırǵan futbol boyınsha jáhán chempionatında topar oyınları juwmaqlanıp, házirgi waqıtta 1/16 final oyınları bolıp ótpekte.
Bul basqıshtıń dáslepki oyınında maydan iyeleri esaplanǵan Kanada Qubla Afrika Respublikasın 1:0, Braziliya Yaponiya saylandı komandasın 2:1 esabında jeńgen bolsa, chempionlıqqa dawagerlerdiń biri Germaniya Paragvaydan, Niderlandiya Marokkodan penaltiler seriyasında jeńilip qaldı.
Al, búgin túnde bolsa, Norvegiya Kot-divuar saylandı komandası menen kelesi basqıshqa shıǵıw jollamasın qolǵa kirgiziw ushın óz-ara gúreske túsedi.
Adilbay Orazov,
Qaraqalpaqstan xabar agentligi sholıwshısı