Qaraqalpaqstan Respublikası ǵállekeshleri 53 mıń gektar maydanda jergilikli ıqlımǵa say, erte piser ǵálle sortların tárbiyalap, mol zúráát jetistirdi. Bul haqqında Qaraqalpaqstan Respublikası Joqarǵı Keńesiniń málimleme xızmeti xabar berdi.
Xabarda atap ótiliwinshe, 2026-jıl zúrááti ushın 2 mıń 91 fermer xojalıǵı tárepinen jetistirilgen 124 mıń 900 tonna ǵálle zúrááti jıynaldı.
Bul nátiyje mámleketimiz basshısı tárepinen tarawdı rawajlandırıw, azıq-awqat qáwipsizligin támiyinlew, fermerlerdi hár tárepleme qollap-quwatlaw hám zamanagóy agrotexnologiyalardı keńnen engiziw baǵdarında alıp barılıp atırǵan reformalardıń ámeliy nátiyjesi bolıp esaplanadı.
Erisilgen jetiskenlikte ǵállekesh fermerlerdiń mashaqatlı miyneti, agronomlar, mexanizatorlar, taraw qánigeleri jáne jıyın-terim procesinde belsene qatnasqan barlıq xızmetkerlerdiń múnásip úlesi bar.
Qaraqalpaqstan xabar agentligi