Ózbek milliy ayaq oyını óneri tariyxında úlken mádeniy waqıya júz berdi.
Ásirler dawamında xalqımızdıń milliy maqtanıshın hám quwanıshlı ruwxın ózinde jámlegen “Ándijan polkası” ayaq oyının bir waqıttıń ózinde 20 mıń adam atqarǵanı rásmiy túrde Ginnestiń rekordlar kitabına kirgizildi.
Ándijan qalasındaǵı “Bobur arena” stadionında “Ándijan 2026-jılda – túrkiy dúnyanıń mádeniyat paytaxtı” statusı sheńberindegi mádeniy ilajda “Ándijan polkası” ayaq oyını 20 mıń adam qatnasıwında sheberlik penen atqarılǵanı Ginnes rekordları shólkeminiń rásmiy wákili tárepinen tán alındı. Atqarıw processleri belgilengen barlıq talaplarǵa tolıq juwap bergeni tastıyıqlanıp, ayaq oyın atqarılıwı jáhán rekordı sıpatında rásmiy túrde belgilendi.
Solay etip, “Ándijan polkası” eń ǵalabalıq túrde atqarılǵanı menen jáhán saxnasına alıp shıǵıldı.
Bul jetiskenlik tek ǵana Ándijan emes, al pútkil Ózbekstan mádeniyatı ushın umıtılmas tariyxıy bet boldı.
ÓzA