Házirgi kúnleri Hindstannıń Nyu-Deli qalasında eresekler arasında qılıshlasıw boyınsha Aziya chempionatı bolıp ótpekte.
CHempionatta kontinetimizdiń barlıq kúshli mámleketleriniń sportshıları sıyaqlı, Ózbekstan saylandı komandası aǵzaları da jeńimpazlıq ushın gúres júrgizbekte.
Keshe sablya boyınsha ótkerilgen ulıwma komandalıq bellesiwde qızlarımız Zaynab Dayıbekova, Gúlistan Perdebaeva, Ayakóz Jumamuratova hám Errera Lara Fernandadan ibarat saylandı komandamız Qubla Koreya hám Yaponiyadan soń úshinshi orındı iyelewge miyasar boldı.
Komandamızdıń qolǵa kirgizgen bul jeńisi sportshılarımızdıń mámleketimiz ǵárezsizliginiń 35 jıllıǵına sawǵa boldı desek boladı.
Aziya chempionatında bellesiwler ele dawam etpekte.
Adilbay Orazov,
Qaraqalpaqstan xabar agentligi sholıwshısı