Ózbekstan Milliy Olimpiada komiteti baslıǵınıń birinshi orınbasarı, Aziya Olimpiada keńesiniń vice-prezidenti Otabek Umarov AQShta dúnyanıń eń abıraylı aralas jeke gúres shólkemi UFC prezidenti Dana Uayt penen ushırasıw ótkerdi.
Qızǵın ruwxta bolıp ótken sóylesiw dawamında sport industriyasınıń búgingi rawajlanıw tendenciyaları, professional hám jawıngerlik sport túrlerin ǵalaba en jaydırıw jáne xalıqaralıq birge islesiw perspektivaları boyınsha pikir alısıldı.
Óz gezeginde Uayt UFC shólkeminiń jumısı, sport infrastrukturası hám shólkemniń jańa rejeleri haqqında maǵlıwmat berdi.
Tárepler sport arqalı jaslardı salamat turmıs tárizine tartıw, iri sport joybarların qollap-quwatlaw hám óz-ara paydalı birge islesiw imkaniyatların izbe-iz dawam ettiriw zárúrligin atap ótti hám keleshektegi rejeler kórip shıǵıldı.
Dodalawlar waqtında Ózbekstanda kúshli boks dástúrleri hám dúnyaǵa belgili sportshılardıń kóp ekenligin tán alǵan halda mámleketimizde UFC tarmaǵındaǵı ZUFFA Boxing bellesiwlerin shólkemlestiriw usınısı alǵa qoyıldı.
T.Rwziev, ÓzA