Óz tariyxında birinshi márte futbol boyınsha jáhán chempionatına qatnasıp atırǵan Ózbekstan saylandı komandası bul turnirde óziniń ekinshi tur oyının ótkeredi. Atap aytqanda Fabio Kannavaronıń shákirtleri bul turda búgingi kúndegi futbol ápsanası Krishtianu Ronaldu jetekshiligindegi Portugaliya saylandı komandasına qarsı maydanǵa túsedi. Ushırasıw 23-iyun kúni 22:00 de bolıp ótedi.
Mámleketimizdiń barlıq aymaqlarında bolǵanı sıyaqlı, futbol jankúyerlerine qolaylıq jaratıw hám saylandı komandamızdı qızǵın qollap-quwatlaw maqsetinde, paytaxtımız Nókis qalası hám rayonlarında futbol boyınsha jáhán chempionatın tamasha etiw ushın tómendegi orınlarda arnawlı orınlar shólkemlestirilmekte.
1. Nókis qalası – Doslıq kanalı boyındaǵı Jaslar maydanshasında;
2. Nókis rayonı – Nókis rayonı sport mektebiniń stadionında;
3. Moynaq rayonı – Mádeniyat orayı imaratında;
4. Qońırat rayonı – Hákimlik imaratı janındaǵı “Jaslar seyil etiw ornı” baǵında, jazǵı saxnada;
5. Qanlıkól rayonı – Hákimlik imaratı janındaǵı “Jaslar seyil etiw ornı”nda;
6. Shomanay rayonı – Mádeniyat orayı imaratında;
7. Xojeli rayonı – Rayon hákimligi janındaǵı Mádeniyat sahnası janında;
8. Taqıyatas rayonı – Rayon hákimligi imaratı janındaǵı maydanshada;
9. Taxtakópir rayonı – Mádeniyat orayı imaratında;
10. Qaraózek rayonı – “Jayhun restoranı”nda hám Jaslar orayı imaratında;
11. Shımbay rayonı – “Baxıt sarayı” toyxanasında;
12. Bozataw rayonı – Bozataw rayonı Jaslar isleri agentligi janındaǵı maydanda;
13. Kegeyli rayonı – Oraylıq stadionında;
14. Tórtkúl rayonı – A.Xudayshukurov atındaǵı Amfiteatrda;
15. Ellikqala rayonı – “Yoǵdu” toyxanası janında;
16.Beruniy rayonı – Hákimlik imaratı janındaǵı úlken piknik maydanshasında;
17. Ámiwdárya rayonı – «Doslıq» MPJ «Vahum» posyolkasındaǵı balalar oyın maydanında.
Qaraqalpaqstan xabar agentligi