Ótken gúzde 4 mıń 800 gektar jerge gúzlik biyday tuqımın ekken Ámiwdárya rayonı diyqanları agrotexnikalıq qádelerge say tárbiya beriwi nátiyjesinde, ózleri diydilegendey zúráát jetistiriwge eristi.
Atap aytqanda, rayon fermerleri bul jerden gektarına 30 centnerge shamalas ónim jetistirip, belgilengen rejeni artıǵı menen orınlap shıǵıwǵa eristi.
Sonday-aq, atayı diyqanlar eli bolǵan Taqıyatas rayonı da mámleketke ǵálle tapsırıw boyınsha belgilengen rejeni artıǵı menen orınlap, aq júzli abırayǵa iye boldı. Rayon diyqanları 1180 gektar jerge egilgen gúzlik biydaydan, 2800 tonna ónim alıwǵa miyasar boldı.
Házirgi waqıtları respublikamız aymaǵında ǵálle orım-jıyın jumısları qızǵın dawam etpekte.
Adilbay Orazov,
Qaraqalpaqstan xabar agentligi sholıwshısı