Házirgi kúnleri Hindstannıń Nyu-Deli qalasında eresekler arasında qılıshlasıw boyınsha Aziya chempionatı bolıp ótpekte.
CHempionatta kontinetimizdiń barlıq kúshli mámleketleri sportshıları sıyaqlı, Ózbekstan saylandı komandası aǵzaları da jeńimpazlıq ushın gúres júrgizbekte.
Atap aytqanda, komandamız quramında sablya boyınsha respublikamız wákillerinen erler arasında Musa Aymuratov, Islambek Abdazov, Alpamıs Oraqbaev, qızlar arasında Zaynab Dayıbekova, Gúlistan Perdebaeva, Ayakóz Jumamuratova, shpaga boyınsha Dilnaz Murzataevalar qatnaspaqta.
Solar arasında kelesheginen úlken úmitler kúttiretuǵın jas sportshımız Gúlistan Perdebaeva bul jarısta Hindstan, Qıtay, Yaponiya saylandı komandalarınıń wákillerin jeńip shıǵıp, qola medalın qolǵa kirgiziwge miyasar boldı.
Aziya chempionatında bellesiwler ele dawam etpekte.
Adilbay Orazov,
Qaraqalpaqstan xabar agentligi sholıwshısı