Dúnyanıń 48 eń kúshli saylandı komandaları qatnasıp atırǵan AQSh, Meksika hám Kanada maydanlarında ótkerilip atırǵan futbol boyınsha jáhán chempionatında 1-tur oyınları juwmaqlanıp, házirgi waqıtta 2-tur oyınları qızǵın dawam etpekte.
Oǵada qızıqlı ótip atırǵan bul jáhán birinshiligi oyınların tamashalaw ushın dúnyanıń derlik barlıq ellerinen futbol jankúyerleri qatnasıp, ózleriniń súygen komandaların qollap-quwatlamaqta.
Statistikalıq maǵlıwmatlar boyınsha 1-turda ótkerilgen 24 oyındı tamashalaw ushın ulıwma 1 mln 572 mıń 584, al, hár bir oyınǵa ortasha 65 524 tamashagóy kelgen.
Áhmiyetli tárepi sonda, eń kóp futbol jankúyerleri Meksika hám Qubla Afrika, Ózbekstan hám Kolumbiya saylandı komandaları arasındaǵı oyındı tamashalawǵa kelipti. Atap aytqanda, bul oyınlardıń hár birine 80 mıń 824 jankúyer kelip tamashalaǵan.
Adilbay Orazov,
Qaraqalpaqstan xabar agentligi sholıwshısı