Samarqand wálayatında sporttıń voleybol túrinen jas óspirimler arasında Ózbekstan chempionatı bolıp ótti.
Onda respublikamızdıń saylandı komandası da qatnasıp, jaqsı nátiyjelerdi qolǵa kirgiziwge miyasar boldı.
Atap aytqanda er balalar hám qızlar saylandı komadaları finalǵa shekem barlıq qarsılasların jeńip shıǵıp, gúmis medal iyesine aylandı.
Kelesheginen úlken úmit kúttiretuǵın jas voleybolshılardı bul jarısqa trenerlerden Batır Ormashov, Xursand Yusupov, Bahadır Mámbetmuratov, Timur Jalǵasbaev, Gúlshada Sadıkova hám Aynura Genjemuratovalar tayarladı.
– Er balalarımız finalda Ándijan, qızlarımız Tashkent wálayatı komandasınan jeńilip qaldı, – deydi trener Batır Ormashov. – Komandamız aǵzaları ele jas. Aldaǵı waqıtları shınıǵıwlardı kúsheytip, jeńimpaz bolıwǵa háreket etemiz.
Adilbay Orazov,
Qaraqalpaqstan xabar agentligi sholıwshısı