Futbol boyınsha ótkerilip atırǵan Jáhán chempionatında tuńǵısh márte qatnasıp atırǵan Ózbekstan milliy saylandı komandası erteń tańǵı saat 7:00 de Kolumbiya saylandı komandasına qarsı óziniń birinshi tur oyının ótkeredi.
Saylandı komandamızdı ruwxıy jaqtan qollap-quwatlaw hám olarǵa hámme birgelikte ǵalaba jankúyerlik kórsetiw maqsetinde, mámleketimizdiń barlıq aymaqlarında bolǵanı sıyaqlı, respublikamızdıń aymaqlarında futbol boyınsha jáhán chempionatın tamasha etiw ushın arnawlı orınlar shólkemlestirildi. Sizlerdiń názerińizge usı orınlardıń dizimin usınıs etemiz:

1. Nókis qalası – Doslıq kanalı boyındaǵı Jaslar maydanshasında

2. Nókis rayonı – Azat ata toyxanasında ;

3. Moynaq rayonı – Mádeniyat úyi imaratında;

4. Qońırat rayonı – Hákimlik imaratı janındaǵı “Jaslar seyil etiw ornı” baǵında, jazǵı saxnada;

5. Qanlıkól rayonı – Mádeniyat úyi imaratında;

6. Shomanay rayonı – Mádeniyat úyi imaratında;

7. Xojeli rayonı – Rayon orayındaǵı “Yakka saray” toyxanası;

8. Taqıyatas rayonı – Hákimlik imaratı janındaǵı maydanda;

9. Taxtakópir rayonı – “Taxtóbe” etno awılında

10. Qaraózek rayonı – “Jayhun restoranı”nda hám Jaslar orayı imaratında;

11. Shımbay rayonı – “Baxıt sarayı” toyxanasında;

12. Bozataw rayonı – Jaslar orayı imaratında;

13. Kegeyli rayonı – Jaslar orayı imaratında ;

14. Tórtkúl rayonı – Eslew maydanında ;

15. Ellikqala rayonı – “Yaǵdu” toyxanasında;

16.Beruniy rayonı – Hákimlik imaratı janındaǵı úlken piknik maydanshasında;

17. Ámiwdárya rayonı – Mádeniyat orayında.

Qaraqalpaqstan xabar agentligi