Ózbekstan Respublikası Prezidenti Shavkat Mirziyoev 4-iyun kúni Qırǵız Respublikası Prezidenti Sadir Japarov penen telefon arqalı sóylesti.
Sóylesiw basında mámleketimiz basshısı Qırǵız Respublikası Prezidenti hám tuwısqan xalqın mámlekettiń 2027-2028-jıllarda BMSh Qáwipsizlik Keńesiniń turaqlı emes aǵzası etip saylanǵanı múnásibeti menen qızǵın qutlıqladı.
Ózbekstan jetekshisi bul tabıs Qırǵızstannıń jedel sırtqı siyasatı jáne regionallıq turaqlılıq hám qáwipsizlikti támiyinlewge qosıp atırǵan salmaqlı úlesi xalıqaralıq jámiyetshilik tárepinen joqarı tán alınıp atırǵanınıń ayqın kórinisi ekenin atap ótti.
Tárepler xalıqaralıq maydanda tıǵız muwapıqlastırıw hám óz-ara qollap-quwatlawdı dawam ettiriwge tayar ekenligin tastıyıqladı.
Sóylesiw barısında mámleket basshıları Ózbekstan hám Qırǵızstan arasındaǵı doslıq, jaqın qońsıshılıq hám strategiyalıq sheriklik qatnasıqları búgingi kúnde joqarı dárejege kóterilgenin úlken qanaatlanıwshılıq penen atap ótti.
Joqarı dárejedegi ushırasıwlar dawamında erisilgen, bárinen burın, ekonomika, transport, energetika tarawlarında, mádeniy-gumanitarlıq baǵdardaǵı kelisimlerdiń ámeliy orınlanıwın támiyinlew máselelerine ayrıqsha itibar qaratıldı.
Jetekshiler bolajaq joqarı dárejedegi ilajlardıń rejesin de kórip shıqtı.