Salıq komitetiniń málim etiwinshe, 2026-jıl 1-may jaǵdayına bola, Ózbekstanda arnawlı dizimnen ótken qosımsha qun salıǵı (QQS) tólewshileriniń sanı 268 mıń 375 ti quradı. Bul kórsetkish ótken jıldıń usı dáwirine salıstırǵanda 18,6 procentke artqan.
Juwapker uyımlardıń maǵlıwmatlarına bola, QQS tólewshileriniń eń úlken bólegi sawda tarawınıń úlesine tuwra kelmekte. Bul baǵdarda 99,8 mıń isbilermenlik subekti QQS tólewshisi sıpatında dizimnen ótken.
Sonday-aq, awıl xojalıǵı tarawında 50 mıń, xızmet kórsetiw tarawında bolsa 42,9 mıń QQS tólewshisi jumıs alıp barmaqta.
Tallawlarǵa bola, QQS tólewshileri sanınıń eń joqarı ósiw pátleri de ayırım tarmaqlarda belgilengen. Atap aytqanda, sawda tarawında ósiw 29,7 procentti, xızmet kórsetiw tarawında 27,5 procentti, málimleme hám baylanıs tarawında bolsa 18,2 procentti quraǵan.
Atap ótiliwinshe, QQS tólewshiler sanınıń artıwı mámlekette isbilermenlik ortalıǵınıń jaqsılanıp atırǵanı, ekonomikalıq belsendiliktiń keńeyiwi hám biznes subektleriniń rásmiy sektorǵa tartılıp atırǵanınan dárek beredi.
Sh.Mamaturopova, ÓzA