Ózbekstan Respublikası Prezidenti Shavkat Mirziyoev Rossiya Federaciyası Prezidenti Vladimir Putinniń mirát etiwine bola, 4-5-iyun kúnleri ámeliy sapar menen Sankt-Peterburg qalasında boladı.
Mámleketimiz basshısı “Pragmatikalıq sóylesiw – turaqlı keleshekke qaray jol” súreni astında ótetuǵın 29-Peterburg xalıqaralıq ekonomikalıq forumınıń jalpı májilisinde qatnasadı hám shıǵıp sóyleydi.
Ózbekstan jetekshisi jáhán ekonomikasındaǵı jaǵday, Ózbekstan – Rossiya ekonomikalıq birge islesiwin rawajlandırıw perspektivaları boyınsha pikirleri menen ortaqlasadı, sonday-aq, mámleketimizdi rawajlandırıwdıń búgingi tiykarǵı baǵdarlarına toqtap ótedi.
Sapar baǵdarlamasında Rossiya Federaciyası Prezidenti Vladimir Putin menen ushırasıw ótkeriw hám elimizde birinshi integraciyalasqan atom elektr stanciyasınıń qurılısın baslaw máresiminde qatnasıw názerde tutılǵan.
ÓzA