Adamgershilik, miyrim-shápáát hám keńpeyillik sıyaqlı ullı ulıwma insanıylıq qádiriyatlardı ózinde jámlegen múbárek Qurban hayıtı – Iyd al-Adho múnásibeti menen Ózbekstan Respublikası Prezidenti Shavkat Mirziyoevtiń atına sırt mámleketler hám húkimetler, abıraylı xalıqaralıq hám regionallıq shólkemlerdiń basshıları, belgili siyasiy, jámiyetlik hám diniy ǵayratkerlerden qutlıqlaw xatları kelmekte.

Sırt elli birge islesiwshiler óz qutlıqlawlarında Ózbekstannıń kóp milletli xalqına qızǵın húrmet-izzet bildirip, elimizge tınıshlıq, abadanlıq hám rawajlanıw tilemekte, hújdan hám isenim erkinligin támiyinlew, turaqlı rawajlanıwǵa erisiw, insan qádirin ulıǵlaw baǵdarında ámelge asırılıp atırǵan reformalardı joqarı bahalap, doslıq hám kóp táreplemeli birge islesiw qatnasıqların bunnan bılay da bekkemlewge isenimli umtılatuǵının atap ótpekte.
Atap aytqanda, tómendegiler óz qutlıqlawların jollaǵan:

Qazaqstan Respublikası Prezidenti Qasım-Jomart Toqaev;
Qırǵız Respublikası Prezidenti Sadir Japarov;
Tájikstan Respublikası Prezidenti Emomali Rahmon;
Túrkmenstan Prezidenti Serdar Berdimuhamedov;
Túrkmen xalqınıń milliy jetekshisi, Túrkmenstan Xalıq Másláháti Baslıǵı Gurbanguli Berdimuhamedov;
Ázerbayjan Respublikası Prezidenti Ilham Aliev;
Qazaqstan Respublikasınıń birinshi Prezidenti Nursultan Nazarbaev;
Túrkiya Respublikası Prezidenti Rejep Tayyip Erdoǵan;
Egipet Arab Respublikası Prezidenti Abdulfattoh as-Sisi;
Birlesken Arab Ámirlikleri Prezidenti Shayx Muhammad bin Zoid Ol Nahayan;
Birlesken Arab Ámirlikleri Vice-prezidenti, Bas ministri, Dubay ámirliginiń hákimi Shayx Muhammad bin Roshid Ol Maktum;
Birlesken Arab Ámirlikleri Vice-prezidenti, Bas ministriniń orınbasarı, Prezident isleri boyınsha ministri Shayx Mansur bin Zoid Ol Nahayan;
Birlesken Arab Ámirlikleri Bas ministriniń orınbasarı, ishki isler ministri Shayx Sayf bin Zoid Ol Nahayan;

Kuveyt Mámleketiniń Ámiri Shayx Mishal al-Ahmad al-Jobir as-Saboh;
Kuveyt Mámleketi Miyrasxorı Shayx Saboh al-Holid al-Hamad as-Saboh;
Iordaniya Hoshimiyler Patshalıǵı Patshası Abdulla II;
Oman Sultanı Haysam bin Toriq;
Baxreyn Patshası Hamad bin Iso Ol Xalifa;
Aljir Xalıq Demokratiyalıq Respublikası Prezidenti Abdulmajid Tabbun;
Palestina Mámleketi Prezidenti Mahmud Abbos;
Saudiya Arabstanı Patshalıǵınıń mámleketlik ministri, Ministrler Keńesiniń aǵzası Turki bin Muhammad bin Fahd bin Abdulaziz Ol Saud;
Islam birge islesiw shólkeminiń bas xatkeri Husayn Ibrohim Toha;
Túrkiy mámleketler shólkeminiń bas xatkeri Kubanichbek Omuraliev;
Kavkaz musılmanları basqarması baslıǵı Shayxulislom Ollohshukur Poshozoda.

Qutlıqlawlardıń keliwi dawam etpekte.