Ózbekstan Respublikası Prezidenti Shavkat Mirziyoev 22-may kúni Rossiya Federaciyası Prezidenti Vladimir Putin menen telefon arqalı sóylesti.
Joqarı dárejede erisilgen kelisimlerdi ámelge asırıw sheńberinde Ózbekstan – Rossiya keń kólemli strategiyalıq sheriklik hám awqamlaslıq qatnasıqların bunnan bılay da rawajlandırıw hám bekkemlewdiń áhmiyetli máseleleri dodalandı.
Túrli dárejelerdegi nátiyjeli baylanıslar qanaatlanıwshılıq penen atap ótildi. Parlamentleraralıq, isbilermenlik hám mádeniy-gumanitarlıq almasıwlar jedel rawajlanbaqta.
Tovar almasıw kólemi turaqlı ósip barmaqta, jıl basınan berli 23 procentke arttı. Sanaat, energetika, transport hám basqa da áhmiyetli tarawlarda, sonıń ishinde, regionlar dárejesinde iri kooperaciya joybarları ámelge asırılmaqta.
Ózbekstan hám Rossiya basshıları bolajaq eki hám kóp tárepleme ilajlardıń rejesin de kórip shıqtı.
ÓzA