Oliy Majlis Senatına Xalıqaralıq migraciya shólkeminiń Evropa hám Oraylıq Aziya boyınsha regionallıq direktorı Artur Erken keldi.
Senat baslıǵı Tanzila Norboeva menen ushırasıwda qáwipsiz, tártipli hám nızamlı migraciyanı támiyinlew, adam sawdasına qarsı gúresiw, miynet migrantlarınıń huqıqları menen máplerin qorǵaw jáne migraciya tarawındaǵı xalıqaralıq birge islesiwdi keńeytiw máseleleri dodalandı.
Ózbekstan hám Xalıqaralıq migraciya shólkemi arasındaǵı birge islesiwdi bunnan bılay da rawajlandırıw, maqsetli birgeliktegi joybarlardı keńeytiw hám preventiv mexanizmlerdi jetilistiriw, migraciya tarawında aldınǵı tájiriybelerdi úyreniw boyınsha pikir alısıldı.
Sanlı texnologiyalar sharayatında payda bolıp atırǵan adam sawdasınıń jańa túrleri, onlayn ekspluataciya hám virtual platformalar arqalı júz berip atırǵan jınayatlardıń aldın alıw máselelerine de ayrıqsha itibar qaratıldı.
Ózbekstanda insan qádiri hám huqıqların támiyinlewge qaratılǵan migraciya siyasatı izbe-iz ámelge asırılıp atırǵanı atap ótildi. Sonıń ishinde, adam sawdası hám nızamsız migraciyaǵa qarsı gúresiw, tártipli miynet migraciyasın qollap-quwatlaw, migrantlardıń huqıqların támiyinlew, olardı kásip hám tilge oqıtıw, sonday-aq, sırt elde qáwipsiz miynet etiwdi támiyinlew jáne qaytqan migrantlardı qollap-quwatlaw boyınsha keń kólemli jumıslar ámelge asırılıp atırǵanı atap ótildi.
N.Abduraimova,
ÓzAnıń xabarshısı