Nókis qalasında gandbol boyınsha Ózbekstan kubogi bolıp ótti. Kubok jarısına elimizdiń barlıq aymaqlarınan eń kúshli komandalar kelip, jeńimpazlıq ushın óz-ara bellesti.
Qızǵın bellesiwlerge bay bolǵan jarıs juwmaǵında, erler arasında respublikamız komandası barlıq qarsılasların jeńip shıǵıp, Ózbekstan kubogi iyesine aylandı.
Al, sıylı ekinshi hám úshinshi orınlardı Ferǵana menen Samarqand wálayatlarınıń komandaları iyeledi.
Qızlar arasında ótkerilgen oyınlar da oǵada qızıqlı ótti. Onda qońsılas xorezmli qızlar birinshi, Tashkent wálayatı komandası ekinshi hám respublikamız komandası úshinshi orındı iyelewge miyasar boldı.
Jeńimpaz komandalardı sıylıqlaw máresiminde Qaraqalpaqstan Respublikası Sport ministri E.Qutıbaev, veteran sportshılar hám juwapker shólkem wákilleri qatnasıp, jeńimpazlarǵa shólkemlestiriwshiler tárepinen tayarlanǵan arnawlı diplom, medal, kubok hám estelik sawǵalardı saltanatlı túrde tapsırdı.
Adilbay Orazov,
Qaraqalpaqstan xabar agentligi sholıwshısı