Ózbekstan Respublikası Prezidenti Shavkat Mirziyoev BMShtıń Elatlı punktler boyınsha baǵdarlaması qáwenderliginde Baku qalasında ótkerilip atırǵan Pútkil jer júzilik urbanizaciya forumınıń 13-sessiyasınıń ashılıw máresiminde qatnastı.
Paytaxttıń Kongress-orayında mámleketimiz basshısın Ázerbayjan Respublikası Prezidenti Ilham Aliev hám BMShtıń Elatlı punktler boyınsha baǵdarlamasınıń atqarıwshı direktorı Anaklaudiya Rossbax qutlıqladı.
Qatnasıwshılardıń birgelikte súwretke túsiw máresimi bolıp ótti.
Bul retki forumnıń teması – “Hámme ushın turaq jay: qáwipsiz hám turaqlı qalalar jáne jámiyetler”. Onda mámleketler hám húkimetler, xalıqaralıq shólkemler jáne rawajlanıw institutlarınıń basshıları qatnaspaqta.
Forum kún tártibinen qalalardı turaqlı rawajlandırıw, xalıqtı zamanagóy hám arzan turaq jay menen támiyinlew, qala ortalıǵınıń sapasın arttırıw, klimat turaqlılıǵın bekkemlew, sociallıq hám transport infrastrukturasın rawajlandırıw jáne turaq jaydı qarjılandırıw mexanizmlerin jetilistiriw máseleleri orın alǵan.
Ózbekstan Prezidenti forum sheńberindegi Jetekshiler sammitinde shıǵıp sóyleydi.
ÓzA