Ózbekstan Respublikası Prezidenti Shavkat Mirziyoev Túrkiy mámleketler shólkeminiń rásmiy emes sammiti sheńberinde Túrkiya Respublikası Prezidenti Rejep Tayyip Erdoǵan menen ushırasıw ótkerdi.
Sóylesiw aldında mámleketimiz basshısınıń usı jılı yanvar ayında Anqaraǵa rásmiy saparı Ózbekstan – Túrkiya keń kólemli strategiyalıq sheriklik qatnasıqların jańa, jáne de joqarı basqıshqa alıp shıqqanı atap ótildi.
Joqarı dárejede erisilgen áhmiyetli kelisimlerdiń orınlanıwı boyınsha jedel sóylesiw hám almasıwlar dawam etip atırǵanı, ministrlikler hám uyımlar arasında jańa sistema jaratılǵanı nátiyjesinde kóp tárepleme birge islesiw baylanısları nátiyjeli rawajlanıp atırǵanı atap ótildi.
Usı jıldıń basınan berli óz-ara tovar almasıw kólemi, qospa kárxanalar, mámleketler arasındaǵı aviaqatnawlardıń sanı jedel ósip barmaqta. Túrk kompaniyalarınıń qatnasıwında salmaqlı joybarlar portfeli qáliplestirilip, jumıslar izbe-iz ámelge asırılmaqta.
Ózbekstan hám Túrkiya basshıları xalıqaralıq hám regionallıq áhmiyetke iye aktual máseleler boyınsha da pikir alıstı.
ÓzA