Nókis Olimpiya hám paralimpiya sport túrlerine tayarlaw orayınıń stadionında futbol boyınsha 2012-jılda tuwılǵan (U-14) qızlar arasında Qaraqalpakstan Respublikası chempionatı bolıp ѳtti.
CHempionatqa respublikamızdıń barlıq aymaqlarınan komandalar qatnasıp, jeńimpazlıq ushın óz-ara gúres júrgizdi.
Qızıqlı ótken jarıs sońında Qaraqalpaqstan Respublikası futbol mektebiniń komandası birinshi orındı jeńip alıwǵa miyasar boldı.
Al, sıylı ekinshi hám úshinshi orınlar Ámiwdárya hám Xojeli rayonınıń qızları iyeledi.
Ótkerilgen jarıs juwmaǵında chempionat jeńimpazı hám sıylı orın iyeleri shólkemlestiriwshiler tárepinen tayarlanǵan arnawlı diplom, medal hám kubok penen sıylıqlandı.
Adilbay Orazov,
Qaraqalpaqstan xabar agentligi sholıwshısı