21-aprel kúni Xalıq deputatları Shımbay rayonlıq Keńesiniń gezeksiz XVIII sessiyası bolıp ótti.
Sessiya jumısına Qaraqalpaqstan Respublikası Joqarǵı Keńesiniń Baslıǵı Amanbay Orınbaev qatnastı.
Sessiyada shólkemlestiriw máselesi kórip shıǵıldı.
Qaraqalpaqstan Respublikası Joqarǵı Keńesiniń Baslıǵı Shımbay rayonı hákimi lawazımına Qaraqalpaqstan Respublikası Ministrler Keńesi Baslıǵınıń jergilikli sanaattı rawajlandırıw máseleleri boyınsha járdemshisi lawazımında islep kelgen Nasır Eщanovtıń kandidaturasın ilgeri súrdi.
Dawıs beriw nátiyjeleri boyınsha N.Eщanov Shımbay rayonı hákimi etip tastıyıqlandı.
Sessiya dawamında rayonlıq Keńes deputatları hám belsendileri shıǵıp sóylep,rayondı sociallıq-ekonomikalıq rawajlandırıw boyınsha alda turǵan wazıypalar boyınsha óz pikirlerin bildirdi.
Usınıń menen Shımbay rayonlıq Keńesiniń gezeksiz XVIII sessiyası óz jumısın juwmaqladı.
Qaraqalpaqstan xabar agentligi