Túrkiya Prezidenti Rejep Tayyip Erdoǵan Qubla Kavkaz ushın tınısh keleshek qurıwǵa qaratılǵan háreketti alǵıslap, xalıqaralıq jámiyetshilikti bul ózgerislerden úlgi alıwǵa shaqırdı.
Erdoǵan Stambuldaǵı Dolma baqsha sarayında Parlamentleraralıq awqamnıń 152-assambleyası qatnasıwshıları aldında shıǵıp sóyledi.
Jetekshı Qubla Kavkazdaǵı ózgerislerge ayrıqsha toqtap ótti:
– Qubla Kavkazda tınısh keleshek, tınıshlıq hám abadanlıq qurıw jolında taslanǵan qádemlerdi qollap-quwatlaymız hám bul pútkil dúnyaǵa úlgi bolıwına úmit etemiz, – dedi Prezident Erdoǵan. – 80 jıl aldın Ekinshi jer júzilik urısta jeńiske erisken mámleketler tárepinen qáliplestirilgen xalıqaralıq sistema búgin úlken krizis aldında. Bul sistema tiykarın quraytuǵın qádiriyat hám principler mazmunı hám isenimin joǵaltıw aldında tur. Xalıqaralıq huqıqqa baylanıslı májbúriy qaǵıydalar nátiyjesin joyıtqan, dúnya boylap hár kúni jańa áskeriy háreket, insaniyatqa qarsı jınayatlar júz berip atırǵanınan ókinishtemiz. Aqıl-oydan waz keshilgen, baylanıs mexanizmi láńlengen, diplomatiya hám sóylesiw quralǵa almastırılǵan bir jaǵdayda hesh kim ózin qáwipsiz seze almaydı. Region mámleketleri tiykarǵı qatnasıwshı sıpatında ortaǵa shıqpaǵan hesh bir baslama tınıshlıq hám qáwipsizlikke erisiw maqsetiniń talaplarına juwap bere almaytuǵını pútkilley anıq.
Qaraqalpaqstan xabar agentligi