Nókis qalasında «Bes baslama olimpiadası» sheńberinde ótkerilip atırǵan «Jas kitapqumar» tańlawınıń Qaraqalpaqstan Respublikalıq basqıshı bolıp ótti.
Tańlaw 10-14 jas hám 15-19 jas kategoriyaları boyınsha ótkerildi hám qatnasıwshılardıń bilimleri tájiriybeli tóreshiler quramı tárepinen bahalanıp barıldı.
Qızıqlı ótken tańlaw juwmaǵında, 10-14 jas aralıǵındaǵı kitapqumarlar arasında birinshi orındı Ámiwdárya rayonı Dwrman mákan puqaralar jıyınınan Shahrizoda Nurımbetova jeńip alıwǵa miyasar boldı.
Al, sıylı ekinshi hám úshinshi orınlar Tórtkól rayonındaǵı Beruniy mákan puqaralar jıyınınan Ozodbek Rozimov hám Nókis qalasındaǵı Anasay mákan puqaralar jıyını turǵını Jasmina Utebaevalar iyelewge eristi.
15-19 jas aralıǵındaǵı kitapqumarlar arasında bolsa, birinshi orın Ellikqala rayonı Qırıqqızabat MPJ turǵını Xulkaroy Qalandarovaǵa nesip etti.
Bunnan keyingi sıylı orınlardı Ámiwdárya rayonı Dwrman mákan puqaralar jıyınınan CHarosxan Safarbaeva hám Qońırat rayonı Monshaqlı mákan puqaralar jıyınınan Ilya Saparbaevlar iyeledi.
Tańlaw sońında jeńimpazlar shólkemlestiriwshiler tárepinen tayarlanǵan arnawlı diplom hám estelik sawǵalar menen sıylıqlandı.
Adilbay Orazov,
Qaraqalpaqstan xabar agentligi sholıwshısı