Parlamentleraralıq awqamnıń Stambulda ótkerilip atırǵan 152-assambleyası sheńberinde Túrkiy mámleketler parlamentleri basshılarınıń birinshi rásmiy emes ushırasıwı da bolıp ótti.
Onda Túrkiy mámleketler shólkemi sheńberinde mámleket basshıları arasında qáliplesken nátiyjeli birge islesiw nátiyjesinde ekonomikalıq rawajlanıw, regionallıq qáwipsizlikti bekkemlew, klimat ózgeriwine qarsı gúresiw hám mádeniy baylanıslardı keńeytiwge qaratılǵan bir qatar baslamalar ámelge asırılıp atırǵanı atap ótildi.
Qatnasıwshılar parlamentlerdiń bul processtegi ornı hám áhmiyetine ayrıqsha toqtap ótti. Atap aytqanda, nızamshılıq bazasın jetilistiriw, qabıl etilgen qararlardıń orınlanıwı ústinen tásirsheń parlamentlik qadaǵalawdı támiyinlew arqalı birge islesiwdi bunnan bılay da kúsheytiw, turaqlı rawajlanıwdı támiyinlewde áhmiyetli institut sıpatında kórinip atırǵanı atap ótildi.
Ózbekstan tárepi túrkiy mámleketler arasında parlamentleraralıq sóylesiwdi bunnan bılay da rawajlandırıw, nızamshılıq jumısın muwapıqlastırıw, bilimlendiriw, ilim, mádeniyat hám ekonomikalıq birge islesiw tarawlarında birgeliktegi baslamalardı alǵa qoyıw jáne aldınǵı tájiriybeler menen óz-ara bólisiwge tayar ekenin bildirdi.
N.Abduraimova, ÓzAnıń xabarshısı