Oraylıq Aziya mámleketleri hám Germaniya arasındaǵı qatnasıqlar házirgi waqıtta isenim hám óz-ara húrmet tiykarına qurılǵan. Berlin tek ǵana ekonomikalıq emes, al region ushın tiykarǵı siyasiy sherik sıpatında da xızmet etpekte.
– Qordıń wálayatta 1994-jıldan baslanǵan sistemalı jumısı isenimli birge islesiw ushın bekkem tiykar jarattı. Búgingi kúnde bul birge islesiw jáne de rawajlanbaqta. Mámleket basshılarınıń turaqlı sapar etiwi hám Germaniya sırtqı isler ministri Gyunter Krixbaumnıń sońǵı diplomatiyalıq saparı Germaniya Oraylıq Aziyaǵa uzaq múddetli hám tiykarǵı sherik sıpatında qaraytuǵının tastıyıqlaydı. Forumımızdıń mine usınday salmaqlı qalada ótkeriliwi bolsa úlken maqtanısh, – deydi Andre Algermissen.
Ekspertlik platformalardıń maqseti házirgi siyasiy sóylesiwdi anıq mazmun menen sińdiriw, innovaciyalardı engiziw hám nızam ústinligin engiziw jáne keń kólemli mádeniy-aǵartıwshılıq almasıwlardı jolǵa qoyıwdan ibarat.
– Biz Oraylıq Aziya hám Germaniya arasında kópir qurmaqshımız. Germaniya tájiriybesi hám Oraylıq Aziya qánigeleriniń intellektuallıq potencialın úylestiriw zamanagóy shaqırıqlarǵa nátiyjeli juwap beriw imkaniyatın beredi hám Evropa ushın qızıqlı bolǵan regionallıq integraciyanı bekkemleydi, – dedi wákilxana basshısı.
Ekspertler forumı dawam etpekte.
Ahmadjon Shokirov, Behzod Saidov (súwret), ÓzAnıń xabarshıları