Prezident Shavkat Mirziyoev Xalıqaralıq shaxmat federaciyasınıń Talabanlar turniriniń jeńimpazı Javohir Sindorov penen telefon arqalı sóylesti.
Mámleketimiz basshısı jas grossmeysterimizdi Ózbekstan shaxmat tariyxında birinshi márte bul abıraylı jarısta jeńiske erisip, shın mánisindegi tariyxıy jeńiske eriskeni menen qızǵın qutlıqladı.
Sáwbette Javohir Sindorov bul turnirde aldın hesh kim erise almaǵan joqarı shekti iyelegeni, 14 oyında 6 márte jeńiske eriskeni sport áleminde siyrek ushırasatuǵın waqıya ekeni ayrıqsha atap ótildi.
Mámleketimiz basshısı jas grossmeyster dúnyanıń eń belgili shaxmatshılarına qarsı hár bir bellesiwde úlken mártlik hám sheberlik penen oyın kórsetip, kúshli erk-ıqrar, joqarı intellektuallıq potencial hám isenim pazıyletlerin kórsetkenin atap ótti.
Prezidentimiz endi Javohir Sindorov aldında jáhán tajı ushın sheshiwshi hám abıraylı bellesiw turǵanın atap ótip, bolajaq oyınlarda oǵan jáne de úlken áwmet, kúsh-ǵayrat hám jańa tabıslar tiledi.
Sáwbette bıyıl Samarqand qalasında ótetuǵın 46-Pútkiljáhán shaxmat olimpiadasında Javohir Sindorovtıń qatnasıwı, álbette, komandamızǵa úlken ruwx hám isenim baǵıshlaytuǵını atap ótildi.
Pursattan paydalanıp, mámleketimiz basshısı Javohir Sindorovtıń ata-anası, jaqınları, ustaz hám trenerlerin de usı tariyxıy jeńis penen shın júrekten qutlıqladı.
Javohir Sindorov joqarı itibar, qızǵın qutlıqlaw hám bildirilgen isenim ushın Prezidentimizge tereń minnetdarshılıq bildirdi.
ÓzA