Nókis rayonındaǵı galofit ósimlikler botanika baǵında ilimiy jumıslar boyınsha seminar shólkemlestirildi.
Bul seminarǵa Qıtay Ilimler akademiyasınıń Sinczyan ekologiya hám geografiya institutınıń ilimpazı CHjan ke hám toǵay xojalıǵı qánigeleri qatnastı. Ilaj dawamında tárepler óz-ara tájiriybe almasıw, ilimiy-ámeliy birge islesiwdi jáne de bekkemlew máselelerin dodaladı.
Seminardıń tiykarǵı maqseti respublikamız aymaqlarında topıraq shorlanıwın azaytıw, degradaciyaǵa ushıraǵan jerlerdi tiklew hám ekologiyalıq turaqlılıqtı támiyinlewde galofit ósimliklerden nátiyjeli paydalanıw boyınsha aldınǵı tájiriybelerdi úyreniwden ibarat boldı.
Qánigeler tárepinen galofit eginlerin jetistiriw texnologiyaları, olardıń shorlanǵan jerlerdegi áhmiyeti hám ámeliy nátiyjeleri boyınsha prezentaciyalar ótkerildi. Bul jumıslardıń nátiyjesi álbette, rayonda galofit ósimliklerdiń ósip rawajlanıp, ekologiyamızdıń jaqsılanıwında unamlı paydasın tiygiiwine xızmet eteri anıq.
Qaraqalpaqstan xabar agentligi