2026-jıldıń yanvar-fevral aylarında Ózbekstanda 3,7 trln sumlıq elektr úskeneleri islep shıǵarıldı. Milliy statistika komitetine bola, bul kórsetkish 2025-jıldıń sáykes dáwirine salıstırǵanda 10,8 procentke artqan.
Atap ótiliwinshe, eń joqarı kórsetkish Tashkent qalasınıń úlesine tuwra kelip, 2,2 trillion sumlıq ónim islep shıǵarılǵan. Sonday-aq, Tashkent wálayatında 740,3 mlrd sumlıq elektr úskeneleri islep shıǵarılǵan.
Basqa aymaqlar arasında Namangan wálayatı 234,6 mlrd sum, Samarqand wálayatı 177,1 mlrd sum hám Ándijan wálayatı 162,7 mlrd sum kórsetkish penen jetekshi orınlardı iyelegen.
Qalǵan aymaqlarda óndiris kólemi salıstırmalı tómen. Sonıń ishinde, Qaraqalpaqstan Respublikasında 0,5 mlrd sum, Surxandárya wálayatında 1 mlrd sumlıq ónim islep shıǵarılǵan,- dep málimleme beredi xabar.uz saytı.
Qaraqalpaqstan xabar agentligi