Prezident Shavkat Mirziyoevtiń basshılıǵında turaq jay qurılısı hám urbanizaciya tarawında ámelge asırılıp atırǵan jumıslar hám keleshektegi tiykarǵı wazıypalar boyınsha videoselektor májilisi baslandı.
Respublika hám wálayat studiyalarınan májiliste 500 den aslam developer, qurılısshı, joybarlawshı, arxitektor hám urbanistler qatnaspaqta.
Mámleketimiz basshısı barlıq tarmaq hám aymaqlarda joqarı ekonomikalıq ósiw boyınsha belgilep alınǵan úlken sheklerge erisiwde qurılıs tarawınıń ayrıqsha ornı bar ekenin atap ótti.
Sońǵı toǵız jılda 10 mıńǵa shamalas jańa qurılıs kárxanaları jumıs basladı, aylanısı 1 trillion sumnan asqan 20, 100 milliard sumnan ótken 365 iri kompaniya payda boldı. Joybarlaw shólkemleri 2 mıńnan, olardan xalıqaralıq sertifikat alǵanları 650 den astı.
Qurılısta ruqsat beriw basqıshı 3 esege, múddeti 4 esege qısqardı, 420 qala qurılısı norma hám qaǵıydaların birlestiriw, eskilerin biykarlaw esabınan 140 jańa qala qurılısı norma hám qaǵıydaları tastıyıqlandı.
Usı jumıslardıń nátiyjesinde ótken dáwirde 210 million kvadrat metrlik imarat – obekt, 647 mıń kvartiralı 15 mıńnan aslam kóp qabatlı turaq jaylar qurıldı. Qurılıs jumıslarınıń kólemi 2016-jılı 30 trillion sumdı quraǵan bolsa, ótken jılı bul kórsetkish 314 trillion sumǵa jetti.
Búgin qurılıs, qurılıs materialları hám olarǵa baylanıslı tarawlarda 3,5 million xalıq bánt.
ÓzA