Nókis qalasında Qaraqalpaqstan Respublikası Joqarǵı Keńesiniń Baslıǵı Amanbay Orınbaev jaslar kúni sheńberinde belsendi volontyor jaslar menen ushırastı.
Onda respublikamız basshısı sońǵı jılları elimizde ámelge asırılıp atırǵan keń kólemli dóretiwshilik jumıslar, sonıń ishinde, Ózbekstan Respublikası Prezidentiniń Qaraqalpaqstan ushın óz aldına qabıl etken qarar hám pármanları tiykarında jaratılǵan imkaniyatlar haqqında keń túrde atap ótti.
Ashıq pikirlesiw tárizinde ótkerilgen ushırasıwda respublikamız jaslarına jaratılǵan bir qatar jeńillikler hám qosımsha imkaniyatlar aytıp ótildi.
Sonday-aq, ótkerilgen ushırasıw dawamında jaslar da óziniń jańa baslamaları hám usınısların bildirdi.
Ilaj sońında Qaraqalpaqstan Respublikası Joqarǵı Keńesiniń Baslıǵı Amanbay Orınbaev ushırasıwda jaslar tárepinen bildirilgen hár bir máseleni itibarǵa alıp, onıń aldaǵı waqıtları ámelge asırılıwın támiyinlew boyınsha juwapkerlerge anıq tapsırmalar berdi.
Qaraqalpaqstan xabar agentligi