Jańa “ay jarısı” resurslar ushın gúres sharayatında qayta háwij ala basladı. “The New York Times” gazetasınıń jazıwınsha, NASA hám basqa kosmoslıq qurılmalar Ayǵa muz hám geliy-3 deregi, sonday-aq, keleshekte kosmostı úyreniw ushın tayanısh mánzil sıpatında qaramaqta. Vashington 2028-jıl Ayǵa adam jiberiwdi rejelestirgen. Planetamızdıń tábiyiy joldasın izertlewdiń dáslepki dáwirinde NASA hám burınǵı Sovet Awqamı Aydıń Jer menen tikkeley radio baylanıs ornatıw imkaniyatı bar bolǵan jaqın tárepine itibar qaratqan. Endi bolsa astranomlar Aydıń polyusı hám bizge kórinbeytuǵın artqı tárepine kóbirek qızıqpaqta. Polyardaǵı kraterlerde muzlaǵan ishimlik suwı hám kislorod raketa janılǵısı – Jerde júdá siyrek ushırasatuǵın, bir funtı 9 million dollarǵa teń geliy-3 – termoyadrolıq energiya ushın perspektivalı zat penen támiyinlewi múmkin. Sonday-aq, xabarda Aydıń arǵı tárepi jerimizdegi radio shawqımınan qorǵalǵan radioteleskop ushın qolaylı orın ekeni atap ótilmekte.
Vashington Qubla polyus janında baza qurıwdı rejelestirip atırǵan bir waqıtta, Qıtay da usı regionda óz punktin shólkemlestiriw niyetin járiyaladı.
Qaraqalpaqstan xabar agentligi