Iran húkimeti Donald Tramptıń AQShtıń eki kúnnen keyin juwmaqlanatuǵın ultimatumı haqqındaǵı eskertiwin ulıwma qabıllamadı. Bul haqqında 4-aprel, shembi kúni keshte Irannıń bir qatar jetekshileri málim etti, dep xabar beredi Kazinform agentligi DWge tiykarlanıp.
«Tramptıń sózlerine juwap retinde Iran parlamentiniń milliy qáwipsizlik hám sırtqı siyasat komitetiniń baslıǵı Ibrohim Aziziy sociallıq tarmaqta Irannıń amerikalı áskerlerdi “tuwrıdan-tuwrı dozaqtıń túbine jiberetuǵının” jazǵan.
Irannıń joqarı áskeriy wákili, general Ali Abdullahiy Aliobodiy AQSh prezidenti bir qatar jeńilislerden keyin Irannıń infrastrukturası hám aktivlerine qáwip tuwdırıwǵa imkaniyat berip atırǵanın atap ótti. Ol sonday-aq, AQSh soqqılardıń jańa tolqının baslasa, “dozaqtıń dárwazaları ashıladı” dep járiyaladı» delinedi xabarda.
Aytıp ótiw kerek, jaqın kúnlerde Iran AQSh hám Izrail obektlerine jańa soqqılar bergenin málim etken edi.
Qaraqalpaqstan xabar agentligi