Qırǵız Respublikasınıń Irandaǵı elshixanası óz jumısın waqtınsha toqtattı, dep xabar bermekte “Kabar” málimleme agentligi.
Atap ótiliwinshe, bul qarar regiondaǵı jaǵdayǵa baylanıslı saqlıq sharası sıpatında tallanbaqta.
Rásmiy bildiriwde Iranda bolıp turǵan Qırǵızstan puqaralarına saqlıq ilajların kóriw, jeke qáwipsizlik qaǵıydalarına qatań ámel etiw, ǵalabalıq orınlar hám qáwipli aymaqlardan uzaqta bolıw hám jergilikli hákimiyat uyımlarınıń talaplarına qatań ámel etiw soralǵan.
Sonday-aq, puqaralarǵa turaqlı túrde shaxsın tastıyıqlawshı hújjetlerdi janında alıp júriw, rásmiy málimleme dereklerin turaqlı baqlap barıw usınıs etilgen. Ministrlik puqaralardı házirgi sharayatta Iranǵa sapar etiwden waqtınsha waz keshiwge shaqırǵan.
Qaraqalpaqstan xabar agentligi