Prezident Shavkat Mirziyoev “Jasıl mákan” ulıwma milliy joybarı sheńberinde nál egiw ilajında qatnaspaqta.
Ótken jılı Xojeli, Yangibazar, Ǵijduvon, Balıqshı hám Ahangaran rayonlarında jılına 5,5 million túp sayamanlı terek nállerin jetistiriw imkaniyatın beretuǵın zamanagóy nálxanalar iske qosıldı.
Bunnan tısqarı, shólistanlıqtı azaytıw ushın Qıtay tájiriybesi tiykarında bıyıl birinshi márte Arnasay, Qarakól, Muborak, Karmana hám Nókis rayonlarında 50 gektar maydanda suwsızlıqqa shıdamlı galofit baǵları jaratıldı.
Bul jerde jetistirilgen galofit tuqımları keleshekte mıńlaǵan gektar jerlerde shorlanıwdı azaytıp, topıraq ónimdarlıǵın arttırıwǵa xızmet etetuǵını atap ótildi.
Ulıwma, ótken qısqa dáwirde respublikada jasıllıq dárejesi 8 procentten 14,2 procentke arttı.
– Bul iygilikli islerimizge kópti kórgen nuranıylarımız, kúsh-ǵayratlı jaslarımız, intaker biznes wákilleri, miynet jámáátleri, júz mıńlaǵan watanlaslarımız múnásip úles qosıp atırǵanı bárshemizdi quwandıradı, – dedi Prezidentimiz.
ÓzA