– Xalqımız ázelden Nawrız kúnlerinde, shańaraǵında perzent tuwılǵanında qıytaq jerine, maydan hám qıyabanlarǵa, jol shetlerine jaqsı niyet penen nál otırǵızǵan, gúl hám rayxanlar ekken.
Biz xalqımızǵa tán usınday jaqsı qádiriyatlar tiykarında bes jıldan berli “Jasıl mákan” ulıwma milliy joybarın ámelge asırıp, hár jılı 200 million túp nál egip kiyatırmız, – dedi mámleketimiz basshısı.
Ótken dáwirde 2 mıń gektardan aslam maydanda 942 jasıl baǵ hám jasıl jámiyetlik parkler, 47 massivte “Jańa Ózbekstan baǵları” qurıldı. Respublikanıń taw, shól hám qırlarında 256 mıń gektar toǵay jaratıldı.
Araldıń qurıǵan ultanında 2 million gektar maydanda jasıl qaplamalı qorǵaw toǵaylıqları jaratıldı.
Samal hám qum-shań boranlarınıń zıyanlı tásiriniń aldın alıw maqsetinde 33 rayonda 60 kilometrlik “jasıl belbew” payda etildi.
ÓzA