Donald Tramp Irannıń energetika mánzillerine soqqı beriw qáwpin waqtınsha toqtatıp, sóylesiwlerdi baslaw ushın múddetti 6-aprelge shekem sozdı. AQSh Prezidentiniń pikirinshe, sóylesiw “jaqsı barmaqta,” tek ǵana Tegeran usınıstı ádalatsız dep biykarlamaqta.
Bizge belgili, fevral ayınıń aqırında baslanǵan urıs region boylap tarqaldı hám mıńlaǵan qurbanlarǵa sebep boldı. Jáhán ekonomikasına kúshli basım júzege kelgen. Energiya bahası keskin artıp, inflyaciya qáwpi kúsheygen.
Vashington Iranǵa yadro baǵdarlamasın toqtatıw, Ormuz buǵazın ashıw sıyaqlı keskin talaplardı alǵa qoymaqta. Tegeran bolsa buǵan juwap retinde regiondaǵı energetika obektlerine qarsı hújim dawam etetuǵının bildirgen.
Házirgi waqıtta AQSh áskerleri regionda belsendilikti arttırmaqta – qosımsha ásker jiberiw hám hátteki dron-katerlerden paydalanıw imkaniyatı kórip shıǵılmaqta.
Analizshiler sóylesiw nátiyje bermese, energetika infrastrukturasına óz-ara soqqılar jáne de kúsheyip, globallıq bazar arqalı millionlaǵan xalıqtıń turmısı awır tásir astında qalıwınan qáweterde.
Musulmon Ziyo, ÓzA