Franciya Ormuz buǵazında keme háreketin tiklew maqsetinde 35 mámleket penen sóylesiwge kiristi. Bul baslama Iran menen urıs juwmaqlanǵannan keyin nátiyje beriwi kútilmekte.
Parij missiya tek ǵana qorǵanıw xarakterine iye ekenin, maqset globallıq neft tasıw jolın qayta ashıw ekenin atap ótpekte. Házirgi waqıtta buǵaz arqalı háreket derlik toqtaǵan.
Franciya áskeriy basshılıǵı túrli kontinentlerdegi mámleketler menen másláhátlesiw ótkermekte. Sonday-aq, teńiz qáwipsizligi boyınsha Ullı Britaniya, Germaniya, Italiya hám Yaponiya menen óz aldına sóylesiw bolıp ótken.
Rejege bola, dáslep suw jolın minadan tazalaw, keyin tankerler háreketin qorǵaw basqıshı názerde tutılǵan. Bul process keń kólemli xalıqaralıq birge islesiwdi talap etedi.
Qánigelerdiń atap ótiwinshe, urıs tolıq toqtatılmay turıp, bul ámeliyattı tabıslı juwmaqlag bolmaydı. Ulıwma, Ormuzda qáwipsizlikti támiyinlew jáhán ekonomikası ushın oǵada áhmiyetli.
Qaraqalpaqstan xabar agentligi