Ózbekstan Respublikası Prezidenti Shavkat Mirziyoev Ózbekstan-Tájikstan sammitiniń ekinshi kúni ilajlarında qatnasıw ushın Buxara qalasına keldi.
Buxara xalıqaralıq aeroportında mámleketimiz basshısı elimizde mámleketlik sapar menen bolıp turǵan Tájikstan Respublikası Prezidenti Emomali Rahmondı kútip aldı.
Saltanatlı kútip alıw máresimi boldı. Joqarı mártebeli miyman húrmetine milliy qosıq hám ayaq oyınlar atqarıldı.
Búgin jetekshiler áyyemgi Buxaranıń tariyxıy esteliklerin zıyarat etedi. Sanaat kárxanalarınıń jumısı menen tanısıw da názerde tutılǵan.
ÓzA