Xalıqaralıq valyuta qorı (XVQ) Iran urısı uzaq dawam etken jaǵdayda qaysı ekonomikalarǵa qarjılay járdem kerek bolıwı múmkinligin tallap atır, dep jazdı “Bloomberg” basılımı.
Atap ótiliwinshe, tallaw házirgi waqıtta 50 ge shamalas XVQ baǵdarlamalarına iye bolǵan mámleketlerge qaratılǵan. Qor bar baǵdarlamalardı keńeytiwdi hám zárúr bolǵanda jańa baǵdarlamalardı iske qosıwdı kórip shıqpaqta.
XVQ rásmiyleri anıqlıq sharayatında ayırım mámleketler járdem sorap atırǵanı hám qor onı usınıwǵa tayar ekenin málim etti. XVQ basqarıwshı direktorı Kristalina Georgieva neft import etiwshi mámleketler, Tınısh okeanı atawı mámleketleri hám joqarı qarızdarlı kámbaǵal mámleketler haqqında ayrıqsha táshwish bildirdi. Georgieva aldın Jaqın Shıǵıstaǵı jaǵday sebepli inflyaciya basımı qáwpi haqqında eskertken edi, bul bolsa ekonomikalıq ósimdi de sheklewi múmkin.
Fond, sonday-aq, 2026-jılı globallıq ekonomikalıq ósiw prognozın 3,1 procentten 3,3 procentke shekem arttırıwdı rejelestirmekte. Jańalanǵan prognoz aprel ayında XVQ hám Jáhán bankiniń báhárgi májilisinde usınıladı.
S.Rahimov, ÓzA