AQSh Súwretlew óneri komissiyası Qurama Shtatlardıń 250 jıllıǵı múnásibeti menen prezident súwreti túsirilgen 24 karatlıq estelik altın teńge shıǵarıwǵa dawıs berdi.
Oval kabinettegi Donald Tramp súwretlengen teńgeniń bir tárepinde 1776, ekinshi tárepinde 2026 sanları bar, dep xabar berdi “NBC News”.
Ǵáziyneshi Brendon Bich ónimdi “sulıw estelik altın teńge” dep atadı.
– 250 jıllıq yubiley jaqınlasar eken, mámleketimiz hám demokratiyanıń máńgi ruwxın jámlegen tengeni jaratqanımızdan quwanıshlımız, – dedi ol. – Onıń ushın ámeldegi jetekshi nıshanınan artıq múnásip tańlaw joq.
2020-jılı qabıl etilgen Kollekciya teńgelerin qayta joybarlaw haqqındaǵı nızamǵa muwapıq, Ǵáziyne departamenti 2026-jıl 1-yanvardan baslap bir jıl múddetke Amerika ǵárezsizliginiń 250 jıllıǵın sáwlelendiretuǵın dizaynda 1 dollarlıq teńge shıǵarıwı múmkin.
Aldınıraq demokrat senatorlar Tramp súwreti túsirilgen teńge shıǵarılıwına qarsı shıqqanı xabar etilgen edi.
G.Sattorova, ÓzA