Ekspertler geografiyalıq jaylasıwı, neytrallıǵı hám ekonomikalıq jaǵdayı sebepli urıs hám pandemiya sıyaqlı globallıq krizislerge eń shıdamlı dep esaplanǵan mámleketlerdiń dizimin dúzdi.
Dizimde 6 mámleket atı keltirilgen:
Irlandiya. Atawda jaylasqanlıǵı hám rásmiy áskeriy biytárepligi (NATOǵa aǵza emes) menen ajıralıp turadi. Kúshli agrar sektor azıq-awqat qáwipsizligin támiyinleydi.
Shveycariya. Ápsanalıq neytrallıq hám ózine tán infrastruktura: mámlekette pútkil xalıqtı baspana menen támiyinley alatuǵın dárejede jeterli muǵdarda bunkerler bar.
Portugaliya. Evropanıń eń batıs hám tınısh noqatı bolıp, tiykarǵı itimal keskinlik aymaqlarınan uzaqta jaylasqan. Turmıs qárejetleriniń qolaylılıǵı menen ajıralıp turadı.
Islandiya. Maksimal dárejedegi geografiyalıq uzaqlıq hám qayta tiklenetuǵın energiya derekleri (geyzerler hám vulkanlar) sebepli tolıq energetikalıq ǵárezsizlikke iye.
Jana Zelandiya. Dúnyadaǵı barlıq kelispewshilik oraylarınan uzaqlıǵı sebepli “tınısh port” bolıp esaplanadı, biraq qatań migraciya siyasatına iye.
Urugvay. Awıl xojalıǵı rawajlanǵan hám sırt elliler ushın legallastırıw shártleri ápiwayılastırılǵan, siyasiy jaqtan turaqlı “Qubla Amerika Shveycariyası”.
Qaraqalpaqstan xabar agentligi