Franciya Prezidenti Emmanuel Makron jańa aviatasıwshıǵa “France Libre” – “Azat Franciya” ataması berilgenin járiyaladı. Bul atama Ekinshi jer júzilik urıs dáwirindegi qarsılıq háreketin esletedi.
Bahası 10,2 milliard evroǵa teń, “Sharl de Goll” aviatasıwshısınıń ornın basıwı kútilip atırǵan bul joybar mámlekettiń yadrolıq tıyıp turıw siyasatı hám Evropanıń erkin qorǵanıw potencialında áhmiyetli orın iyeleydi.
Makronnıń pikirinshe, teńizler zamanagóy báseki maydanına aylanbaqta. Sol sebepli Parij áskeriy-teńiz imkaniyatın kúsheytiwge itibar qaratpaqta.
Uzınlıǵı 310 metr keletuǵın, eki yadrolıq reaktor menen úskenelenetuǵın gezektegi aviatasıwshı eski materikte islengen eń iri áskeriy kemege aylanadı. Onda zamanagóy qırıwshı samolyotlar menen birge dron texnologiyaları da engiziledi.
“France Libre” 2036-jıl sınaqtan ótkeriledi, 2038-jıl tolıq xızmetke kiredi.
Qaraqalpaqstan xabar agentligi