Prezident Shavkat Mirziyoevtiń qatnasıwında Almalıq kán-metallurgiya kombinatında 3-mıs bayıtıw fabrikasın iske qosıw máresimi baslandı.
Múbárek Ramazan hayıtı jáne jasarıw, jańalanıw bayramı Nawrız áyyyamı aldınan elimizde sanaat, energetika, infrastruktura, servis tarawlarında kóplegen iri joybarlar iske qosılmaqta. Hár bir aymaqta jańa turaq jay massivleri, bilimlendiriw hám medicina mákemeleri, turizm hám mádeniyat dárgayları qurılmaqta.
– Bul jumıslarımızdıń barlıǵı bir maqsetke – ekonomikamızdı bunnan bılay da rawajlandırıw, jańa jumıs orınların jaratıw, máhállelerge Jańa Ózbekstan kórinisin alıp kiriw hám álbette xalqımızdıń turmıs abadanlıǵın bunnan bılay da arttırıwǵa qaratılǵan.
Búgin iske qosılıp atırǵan 3-mıs bayıtıw fabrikası da usı keń kólemli jumıslarımızdıń hám dóretiwshi xalqımızdıń pidákerlik miynetiniń úlgisi, desek, áyne haqıyqattı aytqan bolamız, – dedi Prezidentimiz.
Bahası 2 milliard 700 million dollarlıq bul joybar tek ǵana kárxana emes, al mámleketimizdiń sanaat qúdiretin jáne de bekkemleytuǵın, tábiyǵıy baylıqlarımızdı tereń qayta islewge xızmet etetuǵın zamanagóy industriallıq kompleks ekeni atap ótildi.
ÓzA