Ózbekstan Respublikası Prezidenti Shavkat Mirziyoev 16-mart kúni Qazaqstan Respublikası Prezidenti Qasım-Jomart Toqaev penen telefon arqalı sóylesti.
Mámleketimiz basshısı Qazaqstan Prezidentin jańa redakciyadaǵı Konstituciya joybarı boyınsha referendum tabıslı ótkerilgeni menen qızǵın qutlıqladı.
Qabıl etilgen jańalanıwlar Qazaqstannıń turaqlı rawajlanıwın támiyinlew hám mámlekettiń xalıqaralıq abırayın bekkemlewge isenimli huqıqıy tiykar bolatuǵını hám qosımsha pát baǵıshlaytuǵını atap ótildi.
Ózbekstan-Qazaqstan strategiyalıq sheriklik hám awqamlaslıq qatnasıqların joqarı dárejedegi kelisimlerdi ámelge asırıw kózqarasınan jáne de bekkemlewdiń áhmiyetli máseleleri de kórip shıǵıldı.
Sawda-ekonomikalıq, investiciyalıq, transport, mádeniy-gumanitarlıq hám basqa da tiykarǵı tarawlarda birgeliktegi joybarlar menen baǵdarlamalardı alǵa qoyıwǵa ayrıqsha itibar qaratıldı.
Jetekshiler xalıqaralıq hám regionallıq áhmiyetke iye aktual máseleler boyınsha pikir alıstı, bolajaq eki hám kóp tárepleme ilajlar rejesin dodaladı.
Mámleket basshıları, sonday-aq, dos xalıqlarımızdı jaqınlasıp kiyatırǵan Ramazan hayıtı hám Nawrız bayramı menen qızǵın qutlıqlap, tınıshlıq-tatıwlıq, abadanlıq hám turaqlı rawajlanıw tiledi.
ÓzA