Bul haqqında Prezident Shavkat Mirziyoevtiń basshılıǵında xalıqtıń múrájatları menen islesiw sistemasın jetilistiriw boyınsha ótip atırǵan videoselektor májilisinde atap ótildi.
Hákimniń birinshi orınbasarı aylıq tólemey atırǵan shólkemlerdiń finanslıq jaǵdayın tallap, shiyki zat, aylanba qarjı, infrastruktura, bazar tabıwǵa baylanıslı máselelerin hákimniń investiciya boyınsha orınbasarı hám bankler menen sheship beredi.
Aylıqtı tiykarsız bermegen kárxanalardan bolsa belgilengen tártipte májbúriy óndiriledi.
Qarshı qalasında búgingi kúnde 35 mıń kvartiralı 930 kóp qabatlı turaq jay bar. Olarǵa 40 basqarıw servis kompaniyası xızmet kórsetpekte. Olardıń jumısına narazılıq bildirilgen 111 shaǵım kelip túsken.
Hákimniń qurılıs boyınsha orınbasarı eń kóp múrájat bolǵan Sholquvar, Nuristan, Aydın máhállesine barıp, xalıq hám basqarıw kompaniyaları menen ushırasıwı belgilendi. Bunda basqarıw kompaniyaları puldan qıynalıp atırǵan bolsa, olarǵa aylanıs qarjı tawıp beredi.
Elektr, jol, suw yamasa kanalizaciya menen baylanıslı mashqalalar bolsa, bul máseleni Reformalar shtabına berip, investiciya baǵdarlamasına qosımsha kirgizedi, Májbúriy orınlaw byurosı menen basqarıw kompaniyalarınıń debitor qarızdarlıǵın óndiriwge járdemlesedi.
ÓzA